2008-03-05

今日係放假第一日, 距離bd都係2日咋!!! 今朝九點幾起申, 因為我同sam約咗十一點去洗牙, 起得申, 食埋早餐去到都差不多; 洗完牙都係十一點半度; 之後又要趕去花園街整指甲, 大家睇下靚唔靚, 我自己就幾滿意喇~~~

行程相當緊密, 整完指甲點幾兩點, 又同sam去剪頭髮; 剪完頭髮見有時間就去買埋糖蓮子同扁柏(因為約咗五點去名婚紗扲衫), 可能過完新年, 要買糖蓮子都唔係易事, 其實見到金都都有, 但覺得勁唔抵, 所以去花園街揾下, 竟然又比我哋揾到wor 買完去食少少野就搭地鐵去佐敦拎埋d 衫, 又攪咗個幾鐘, 因為試完又有d唔岩, 又要即時再改; 離開名婚紗就拎咗d 衫上酒樓; 雖然好似做咗好多野咁, 但自己感覺都幾輕鬆, 仲可以慢慢行下睇下; 又唔似個個講到last 好鬼趕, 好忙咁~~~

上完酒樓放底d 野, 就再打去"華麗邂逅"可唔可以早一日拎衫, 依....又ok wor, 真係非常之咁順利, yeah

拎晒衫就同伴郎伴娘食晚飯, 今日真係好開心, 超標完成, 咁聽日就可以好輕鬆, 中午去酒店check in, 再可以飲下午茶, 到四點到去拎埋花球咁就攪掂. 返到酒店就要預時間上頭, 咁就可以靜待bd的來臨, 不過我相信都唔會點靜, 因為班姊妹會上嚟酒店一齊過夜, 係度先辛苦晒大家, 到時enjoy

2008-03-04

返埋今日工就開始放假喇, yeah 唔使再為工事, 婚事兩頭忙~~~

今日放工約咗八點去"華麗邂逅" final fit, 放工見有時間, 就同sam諗住去百利買埋d濕碎野, 跟住食埋飯再去fitting.

記得上次劉家姐介紹過尖沙咀"万豚屋"食手打烏冬, 可惜上次太多人排隊, 所以食唔到. 放工去到尖沙咀都係六點幾, 所以就行去睇下多唔多人, 如果唔多人可以去試下先做其它野. 去到門口一個人都無, 勁開心; 見到間舖又好多枱, 咪入去lor, 點知全部比人訂晒, 要係出面排隊等; 由六點半等到七點先有位, 仲要係我排第一都咁耐wor, 但食完又覺得真係幾好食, 係值得一試ge; 不過依排可能真係太忙, 都無乜胃口, 食又食唔多.

食完野之後, 都差不多八點了, 連想去百利都去唔到, 直接就上"華" final fit 了. 上到"華"又係勁多人, 要等一陣先有得fit. 一試上身, 2件晚裝都太緊, 唔係fa, 唔係依個禮拜肥咗咁多掛 雖然得2件晚裝, 但都試咗我成個鐘, 係咁又著又脫, 改嚟改去, 唉~~~

 辛苦埋依幾日啦, 加油呀

2008-03-03

返埋聽日就放假, 雖然放得三日半假, 但公司勁多野做, 真係忙到甩轆 好彩今日放工無乜野攪, 咁就可以OT清多d 野先放假,放工已經係夜晚八點幾啦.

放工返到屋企, 入到房見到部電腦開住, play 緊我同sam ge成長片, 原來佢今日收到隻碟後, 放工上咗我屋企, 放底隻碟等我可以睇, 之後佢就一支公走咗嘞.

仲有幾日咋, 我會加油 返埋聽日工, 就可以全心攪埋個婚禮.

2008-03-02

今日距離大日子距離5日咋, 依排都好忙, 日日放工都有野做; 前日就去"名婚紗"度身, 又去同sam買白波鞋(著白色禮服穿), 噚日我又去咗染髮, 同sam買黑皮鞋, 仲上"幸褔宣言"諗住拎埋之前有問題 ge 成長片, 但竟然仲未有, 真係勁嬲呀 個女仔話自己唔記得提工場, 今日一定要交返舖; 依家又話星期一親自拎去比我哋, 真係火都嚟埋, 但嘈都無計

噚日買完晒野返屋企sam就開始幫自己對白波鞋加工

加咗閃石係咪sharp 好多呢 sam真係好有心機整ga~~~

今日我哋又要開始pack定d野, 有乜要拎去酒樓, 執定先, 唔使last咁趕, 再對下張物資表有咩灟都仲有日間攪ma.

2008-02-29

噚日sam己經編排好佢男家的坐位表, 今日夜晚唔使出街整野, ot咗一個鐘就食埋野返屋企開工(編坐位表), 食埋飯返到屋企, 沖埋涼, 開工都已經係夜晚八點幾九點, 原本自己想10.30pm前完成, 跟住就敷個mask, 咁就可以早d瞓, 因為依排真係好鬼攰, 成日都好夜瞓, 個人好無精神; 但最後編位都攪到11.00pm先完成, 不過總算做攪掂咗 敷埋個mask 睇埋晚間新聞又十二點了, 個人好攰但上到床又真係瞓唔著, 個腦好多野諗, 成日都好怕有野灟, 攪咗咁耐當然想儘量都安排到最好啦.

近日好多朋友成日問我有無野幫手, 有野就出聲, 又叫我唔好咁緊張; 雖然都無乜野大家幫手, 但好多謝大家關心及幫忙

2008-02-24

今日約咗may 夾rundown, 一上到去就比返第一次試妝d相佢睇, 之後比埋may睇揀咗d 咩晚裝, 仲有, 之前做定咗d功課, print咗出嚟帶去話比may 知我鍾意d咩頭, 等佢可以照住set.

坐低正式開工係15.05, 第一個褂妝只係用咗45mins 度就攪掂, 真係相當快手, 自己仲好滿意tim, 隨後就試註冊夜裝頭, 轉第一次計時用咗15mins, 之後就無計時了, 因為真係相當快手, 我諗到bd都完全唔使驚, 今日係短短兩個鐘set咗七個頭, 3個妝(其實轉妝都主要係眼影), 每個頭都係執下執下, 唔算大變; 但配襯埋頭飾, 自己都好滿意. 希望bd都可以咁順利啦

朝早褂妝(我覺得後面好靚呀)

下面係註冊/席前/進場/敬酒/送客造型, 但都未實邊個幾時用

 P.S. 今日要多謝Ada, Yamme, Tammi 陪我去試妝, 要你哋等幾耐都唔好意思, 好在後尾有個假髮比你哋玩到好開心啫~~~

<<<<<<戈師奶造型, 超爆笑(依個假髮, may問我試唔試玩依d, 我即say no, 大家放心, 咁驚嚇我唔會要)

依個低b怪玩個假髮玩到勁開心呢<<<<<<<<<<

2008-01-30

近排d金好鬼貴呀, 真係好似癲咗咁, 係咁升升升 由七八千媽咪已經話好貴, 唔捨得買, 叫唔急睇定d先, 媽咪仲話我結婚唔合時, 金價咁貴, 都無乜人送金比我, 但都無計, 我都唔會預其他親戚會送, 有咩當bonus lor; 但依幾日已經去到九字頭, 個心超著急噚日升到$9200/兩, 今日回少少$9130/兩; 我都已經忍唔到, 即叫媽咪快d去快, 因為個個朋友都話會上到成萬蚊一兩.

放工有同sam傾過, 其實買鑽飾得唔得, 起碼識人有節, 同埋平時都真係戴到. 買龍鳯鈪嗰d都係戴嗰日lor, 問咗媽咪, 佢話無所謂, 都係買比我, 我自己鍾意; 但去到金舖, 人哋話結婚梗係買金啦, 試帶咗對龍鳯鈪, 戴上又真係好似開心d, 咁就決定照買, 唔好諗鑽石嘞.

今日買咗對龍鳯鈪, 一條鏈, 一隻戒指, 咁又三萬幾; 真係肉都赤埋呀, 但無計, 又唔可以唔買wor. 但總算放下心頭大石, 唔使一路睇住佢係咁升.

2008-01-28

前日膀頭痛, 去咗睇鐵打, 又係肩周炎!!! 我已經提咗醫師我敷鐵打藥好易敏感, 醫師都已經幫我塗定敏感藥膏, 仲用特別ge藥比我敷, 但都唔掂, 今日覺得好鬼痕, 都已經唔敢抓, 返到屋企一睇, 嘩........又紅又腫, 好唔開心呀 紅腫範圍起碼有2cm x 12cm, 周邊都仲好痕, 有少少紅tim. 希望快d好返啦!!!

2007-01-27

噚日去金都拎定咗過大禮嗰d野, 今朝一早sam再去買埋2籃生果, 之後就接我去馬鞍山同佢屋企人飲茶, 飲完茶大約一點多, 就去接埋伴郎同我哋一齊過大禮. 雖然唔係做足, 只係喺金都訂咗過大禮package, 另加d生果籃, 餅咭, 但都已經好多野, 要2個先拎到.

揸車返到屋企樓下, 咁我就上樓先, 之後我就打比sam話可以上嚟啦, 因為我哋唔可以同時間入門, 仲有佢哋過大禮, 我要係房, 等佢同我媽咪數好晒d野先可以出嚟, 如果唔係相沖wor; 雖然我唔係好信, 但係房又無乜特別影響, 所以都收埋咗自己

咁就過完大禮, 心情都無乜特別興奮. 過完大禮, 之後就可以放炸旦. 不過親戚嗰d我應該過年先派, 同事就二月中都未遲.

距離bd仲有個多月時間, 但心情都仲好平靜, 無乜話特別緊張.

2008-01-26

聽日就要過大禮la, 但因為過禮時間係11.00am-15.00pm, 所以就預早一日去金都拎定d過禮物品, 咁聽日彈性大d, 唔使咁趕.

去到亞姐就拎d野出嚟, 先係2籃男家的, 有棷子, 禮金盒......, 亞姐就教我哋女家要回幾多; 明白晒後亞姐再拎埋女家要回嗰籃比我, 有碌蓮藕, 有d大發糕, 亞姐都教晒我哋邊d要放幾耐, 可以點做, 仲送埋本手冊比我哋; 除咗依d我哋仲會買埋籃生果咁就算數, 簡簡單都唔會攪咁多, 當然唔少得聘金同包羅萬有金呢.

過完禮之後就可以開始放爆炸啦, 不過依家派又好似早咗d, 都可能等新年or放完年假先派都未遲~~~

**今日仲順便買埋茶杯同上頭睡衣啦**